Komisioni Evropian nisi sot hetimet “për mospërputhje” ndaj Apple, Meta dhe kompanisë mëmë të Google, Alphabet, vetëm disa javë pasi rregullat e reja të dominimit të tregut të BE-së u shtrinë deri te gjigantët e internetit.
Ekzekutivi i BE-së po shikon nëse rezultatet e kërkimit të Google favorizojnë produktet e veta, modelin e ri të biznesit të aplikacioneve të Apple dhe normat “paguaj ose mirato” të Meta, sipas të cilave përdoruesit e Facebook mund të paguajnë një tarifë mujore për të shmangur reklamat.
“Ne dyshojmë se zgjidhjet e propozuara të paraqitura nga këto kompani nuk përputhen plotësisht” me Aktin e Tregjeve Dixhitale, një ligj i ri i BE-së që hyri në fuqi më 7 mars,” u tha gazetarëve, Nënkryetarja e komisionit, Margarethe Vestager.
“Ne do të hetojmë pajtueshmërinë e tyre për të siguruar tregje dixhitale të hapura dhe konkurruese në Evropë.”
Nëse zbulohet se kompanitë i kanë thyer rregullat, ato mund të përballen me gjoba të mëdha deri në 10 për qind të të ardhurave vjetore të tyre, shkruan BBC.
Ky vendim vjen tre javë pasi BE-ja gjobiti Apple me 1.8 miliardë euro për shkeljen e ligjeve të konkurrencës mbi transmetimin e muzikës.
Discussion about this post