“Bashkimi familjar”, ambasada gjermane në Tiranë jep njoftimin e rëndësishëm

Ambasada gjermane në Tiranë ka bërë njoftimin për një kategori të re regjistrimi në sistemin e takimeve për sigurimin e vizave. Personat të cilët synojnë të lënë takim për bashkim familjar, do kenë mundësi që këtë ta kryejnë në një mënyrë më të shpejtë.

“Sektori i Vizave informon se duke filluar nga 01.01.2022 do të ketë një kategori të re regjistrimi në sistemin e takimeve. Kategoria „Bashkim familjar me shtetas gjerman dhe europianë“ u mundëson aplikuesve që synojnë bashkim familjar me bashkëshortët ose fëmijët gjermanë dhe europianë lënien e një takimi më të shpejtë”, shkruhet në njoftimin e ambasadës.