Ervin Salianji, deputet i PD-së, tha mbrëmjen e sotme se opozita nuk mund të fitojë në zgjedhje përballë Edi Ramës pa pasur mbështetjen e Sali Berishës.
Në emisionin “Real Story”, Salianji tha se Edi Rama ka mbështetjen dhe në krah persona “non grata”, ndërkohë që këtu diskutohet pse demokratët në shumicën e tyre mbështesin Sali Berishën.
“Ne do të bashkohemi përtej Sali Berishës, por mbështetja e ish-Kryeministrit na duhet për të mundur Edi Ramën”, tha Salianji.
Lidhur me qëndrimin e grupimit të Gazment Bardhit dhe protestat e deputetëve në Kuvend, Salianji tha se gjithçka lidhet me mohimin që po i bëhen të drejtave të opozitës në Parlament, shkeljet e vazhdueshme të rregulloreve, duke mos na dhënë atë që na i jep rregullorja dhe çdo ligj i shkruar.
“Në reagimin tonë përfshihen të gjithë deputetët e opozitës, edhe ata që konsiderohen si deputetë mbështetës të z.Berisha, sikundër edhe të partive aleate. Bllokimi i Kuvendit ka nisur shumë përpara se Berisha të kishte situatën me drejtësinë”, tha Salianji.
Në vijim deputeti demokrat akuzoi Lulzim Bashën se po i shërben Edi Ramës.
“Basha i shërben Edi Ramës sa herë ka nevojë. Është një diferencë te kjo. A i shërben apo jo? Unë, edhe për shkak të bashkëpunimit të gjatë që kam pasur me të, nuk bëj akuzë konkrete.
Qëndrimet politike të Bashës në 9 vite të drejtimit të Partisë Demokratike, kur ka qenë e bashkuar, kanë shkuar në favor të qeverisë. Lënia e mandateve, lënia e zgjedhjeve.
Unë kam njohur për kryetar Lulzim Bashën, unë nuk kam pasur asnjë kontakt me Sali Berishën. Të gjithë përgjegjësinë, unë dhe demokratët e vendosim te ai që është kryetar. Një politikan që thotë, për 10 vite jam kryetari, vendimmarrjet i marr unë dhe pas 10 vitesh të thotë, unë kam qenë pupaci i Sali Berishës, doli tani dhe tha, vendimmarja ime ka qenë e ndikuar nga Sali Berisha.
Unë kam qenë deputet në atë parti, pse nuk ka marrë ndonjë deputet të Partisë Demokratike, por i ka mbyllur me Lulzim Bashën?
Në mbledhjen kur u lanë mandatet, ka qenë diskutim i Lulzim Bashës, i drejtpërdrejtë propozimi, e kam kundërshtuar në mbledhje, Sali Berisha nuk ka qenë pro. Politika është publike”, theksoi ai.
Discussion about this post