Gazment Bardhi, kreu i Grupit Parlamentar të PD-së, i ka drejtuar një kërkesë Lulzim Bashës, nga studio e emisionit “Now” ku është debatuar rreth situatave të ndodhura mes demokratëve.
Përballë një paneli gazetarësh, Bardhit iu tha se ka qenë ndër të përkëdhelurit e Lulzim Bashës, por kreu i deputetëve demokratë tha se s’ka pasur nevojë asnjëherë për të qenë i përkëdhelur.
“Unë nuk kam pasur nevojë për përkëdhelje nga askush ,sa kohë isha një njeri në krye të detyrës, vetëm shërbeva si ministër dhe i shërbeva Partisë Demokratike në atë pozicion në një moment të vështirë. Kur zoti Basha më ka thirrur të isha ministër teknik, ai më ka thënë janë dy opsione, ministër teknik apo deputet i kuvendit të Shqipërisë, unë i kam thënë do shkoj atje ku ka nevojë Partia Demokratike.
Në atë kohë Partia Demokratike kishte nevojë që Gazment Bardhi, një jurist dhe profesionist në fushëne tij të ishte ministër teknik, në një qeveri kujdestare për zgjedhjet. Unë me zotin Basha kemi patur një bashkëpunim të shkëlqyer, por kjo nuk më ka ndikuar të dalë edhe kundër. Unë për zotin basha kam vetëm një thirrje, ti kthehet opozitarizmit”, tha Gazment Bardhi.
Discussion about this post