Bashkitë pa kryetar, Meta: Do shpall datën e zgjedhjeve

Gjatë konferencës për shtyp, presidenti Ilir Meta gjatë tha se ia ka nisur një letër KQZ, në lidhje me shpalljen e zgjedhjeve të parakohshme lokale në ato bashki që qeverisen pa një kryetar të zgjedhur.

Meta tha se ai nuk kishte reaguar më herët, pasi kishte pritur vendimin që Gjykatës Kushtetuese që sipas tij nuk mori asnjë përgjegjësi dhe nuk tregoi vullnet për të zgjidhur problemin.

“Së dyti më keni bërë pyetje se çfarë do të bëhet me zgjedhjet vendore, pasi nuk ka kryetarë formalë, unë gjithmonë ju kam thënë që ju qëndroj premtimeve, duke pritur vendimin e Gjykatës Kushtetuese. Nuk u nxitova, sepse kam dashur që të kem një informacion sa më të plotë për gjithçka që ka ndodhur në këtë proces. Prandaj lidhur me zgjedhjet për pushtetin vendor, të 30 Qershorit 2019, prisnim që Gjykata Kushtetuese ti kthente shqiptarëve të drejtën për të zgjedhur përfaqësuesit e tij realë”, tha Meta.