Deputeti i Partisë Demokratike, Ervin Salianji e ka cilësuar takimin e sotëm, si një hap të parë drejt bashkimit të formacioneve opozitare.
Gjatë fjalës së tij në takimin ku po marrin pjesë 43 deputetë të PD, mes tyre Gazment Bardhi e Sali Berisha, Salianji thotë se takimi është një mesazh shpresëdhënës për elektoratin opozitar.
Ai thekson se “çimentimi i këtij grupi parlamentar dhe nga pikëpamja procedurale vlen për të qartësuar dhe në publik se kush është grupi parlamentar i Partisë Demokratike”.
Ndër të tjera, Salianji shton se tashmë fokusi i çdo deputeti duhet të jetë përballja me qeverinë, propozimi i çështjeve konkrete, fokusimi tek çështjet e zgjedhësve dhe tek mbikëqyrja dhe kontrolli ndaj qeverisë.
“Takimi i sotëm duhet lexuar si hapi i parë i bashkimit të formacioneve opozitare siç janë qartësisht të formalizuar formacionet proqeveritare!
Është mesazh shpresëdhënës për elektoratin opozitar, por dhe për shoqërinë, është nje moment i fillimit të ringritjes së opozitës!
Çimentimi i këtij grupi parlamentar dhe nga pikpamja procedurale vlen për të qartësuar dhe në publik se kush është grupi parlamentar i Partise Demokratike!
Tani fokusi i çdo deputeti duhet të jetë përballja me qeverinë, propozimi i çështjeve konkrete, fokusimi tek çështjet e zgjedhësve dhe tek mbikqyrja dhe kontrolli ndaj qeverisë!
Nga sot e më pas duhet të funksionojmë si një grup parlamentar, me takime të përjavshme dhe koordinim të përhershëm”, tha Salianji.
Discussion about this post