Këto që shihni në foto janë 3 vajzat më të famshme në fund të viteve 90. Grupi i njohur “Spirit Voice” ishte në kulmin e vet për disa vite, derisa vajza vendosën të ndaheshin. Rrugëtimi i tyre vijoi në drejtime të ndryshme, ku ndër to vetëm Soni Malaj e vijoi angazhimin e saj në muzikë. Elia Zaharia u angazhua në aktrim dhe të gjithë e njohin edhe për martesën e saj me trashëgimtarin e fronit, Princ Leka.
Nga ana tjetër Dorina Tiko u largua nga Shqipëria ku dhe jeton e punon prej vitesh. Por si vetë vajzat e kanë thënë e kanë ruajtur miqësinë e tyre dhe takohen sa herë i jepet mundësia. Kjo është një ndër ato takimet, ku vajzat kanë zgjuar edhe njëherë nostalgjinë e atyre viteve. Ndonëse nuk kanë asnjë projekt për t’u rikthyer në skenën muzikore të treja së bashku, vajzat kanë një miqësi që i bën bashkë çdo herë që munden.
Discussion about this post