Katër persona kanë rënë në prangat e policisë së Korçës pasi akuzohen për vendosje të basteve, fshehje të të ardhurave, punësim i paligjshëm si dhe kontrabandim i mallrave.
Sipas njoftimit, është arrestuar 21-vjeçari me emrin Ernest Pojani, 21-vjeçari me emrin Xhuliano Kondillari, 32-vjeçari me emrin Arisel Lame si dhe 44-vjeçari me emrin Gantian Kapurani.
Ndërkohë që penalisht u procedua një 21-vjeçar me inciale Xh.G. Nga operacioni janë sekuestruar dhe 5 celularë, të cilët përdoreshin për vendosjen e basteve sportive.
Shërbimet e policisë, në bazë të informacioneve të grumbulluara si edhe nga kontrolli i ushtruar në lagjen nr. 4, në lokalin në përdorim Ernest Pojanit, i cili nuk dispononte dokumentacionin përkatës për këtë biznes, konstatuan një punonjës të pasiguruar dhe 3 aparate celularë në përdorim të Pojanit. Kondillarit dhe Lames, të cilët dyshohet se përdoreshin prej tyre për vendosjen e basteve sportive.
Po ashtu gjatë kontrollit të ushtruar në lagjen nr. 9, në lokalin në pronësi të Xh. G., u konstatua një punonjës i pasiguruar, një sasi pijesh alkoolike pa pullën fiskale, si edhe G. K., iu gjetën 2 aparate celularë, që dyshohet se shërbenin për vendosjen e basteve sportive, të cilët u sekuestruan në cilësinë e provës materiale.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme
Discussion about this post