Bastisnin një krahinë në ditë/ Çmontohet banda e “skifterëve” shqiptarë në Spanjë

Ekipi Galician i Krimit të Organizuar i UCO-së me bazë në Komandën e Pontevedra udhëhoqi një operacion të gjerë ndërkombëtar kundër një grupi grabitësish shqiptarë. Ata përdorën makina me targa false për të operuar kryesisht në veriun e Spanjës dhe në zonën e Madridit.

Dy drejtuesit e grupit u arrestuan në Paris.

Anëtarët e Ekipit Kundër Krimit të Organizuar në Galicia (ECO) me bazë në Komandën e Pontevedras arritën të konfirmojnë se gjashtë të arrestuarit janë autorët e një vale grabitjesh shtëpish të kryera në pjesë të ndryshme të Spanjës dhe gjithashtu në Evropë (të paktën në Paris).

Si nisi hetimi:

Fillimi i punës së agjentëve daton në fund të vitit 2023, kur u bënë të njohura sulmet në zonat e Galicisë dhe u zbulua prania e dy makinave të vjedhura në Itali, njëra prej tyre e nivelit të lartë, në provincën e Leonit, 20 kilometra nga provinca e Lugos. Kriminelët synuan të hynin në Galicia, por makina e tyre u prish.

Kështu nisi të gjurmohej banda, e cila sipas Gardës Civile kishte kryer 16 grabitje në vetëm një muaj dhe e cila, veç kësaj, vepronte në një ditë të vetme në çdo krahinë për të shmangur gjetjen e vendndodhjes së saj.

Brenda celulës kriminale shqiptare kishte shoferë, roje sigurie dhe specialistë për hyrjen në shtëpi.

Të gjithë ata përdorën sisteme të mbyllura komunikimi për të vepruar, gjë që jep një ide tpër faktin se sa “specialistë” ishin.

“Kanë udhëtuar mijëra kilometra duke ardhur e duke shkuar për të vepruar”, shpjegon Garda Civile, gjithnjë duke përdorur makina me targa false.

Shuma e përfituar vetëm nga vjedhjet e kryera në Spanjë, kap vlerën e 300 mijë eurosh, vetëm në periudhën e hetuar.

Në kohën kur studiuesit u përqendruan te anëtarët e organizatës, ata zbuluan se dy drejtuesit e saj kishin udhëtuar në Paris për Lojërat Olimpike, me qëllim që atje të kishin në dorë aituatën.

Megjithatë, vendosja spektakolare e sigurisë në kryeqytetin francez i dha fund synimeve të tyre. Të dy janë në burg, në pritje të ekstradimit në Spanjë për t’u paraqitur para gjykatës për veprat penale që u atribuohen.