Baton Haxhiu, deklaroi se Erion Veliaj është kthyer në bashkëpunëtor i SPAK, njëlloj si mafiozi Tommaso Buscetta me prokurorin Falcone.
Haxhiu, i ftuar në emisionin “Opinion”, tha se këtë përshtypje e ka pas deklaratave që Veliajt kur doli pas shtatë orësh nga SPAK.
Ai gjithashtu iu përgjigj sulmeve të Veliajt, që përdori fjalor vulgar gjatë mbledhjes së Këshillit Bashkiak dhe aludoi se një personazh nga Kosova ka kërkuar para për sondazhe.
Haxhiu tha se e ka takuar gjithsej tre herë në jetë Veliajn dhe ka bërë biseda sipërfaqësore, ndaj ai gënjen për këto sondazhe.
“A e dini historinë e Falcones, mafiozi Tommaso Buscetta, që në një moment u pendua dhe bashkëpunoi me Falconen. E dini çfarë ndodhi? Pushoi së qenuri mafioz. Sot Erion Veliaj ka shkuar dhe ka bashkëpunuar me prokurorin. E keni në shkrim të Albanian Post. E kam një reagim, për arsye se ka fjali që një kryebashkiak nuk flet për mediat dhe mënyrën se si i qasen një kryebashkiaku.
Nëse ai përdor për katër gazetarë, që kanë patur qëndrim… Kam thënë po të isha Baton Haxhiu dhe të isha kryetar bashkie, do të jepja dorëheqjen. Por, kryetari i Bashkisë Veliaj, ka dy çështje para vetes, morale dhe politike. Nëse nuk jep dorëheqja i mbetet çështja politike.
Meqenës ka përdorur këto fjalë, kurrë asnjëherë për sondazhe nuk kam folur me Erion Veliajn, tre herë e kam takuar gjithsej, kam biseda krejt sipërfaqësore. Mua këto deklarata nuk më hutojnë. Megjithatë, si shqiptar i Kosovës, e kemi fituar betejën me ata që flasin kështu.
Ai e deklaroi vetë, tha po shkoj të bashkëpunoj. Unë e përmenda rastin e Tommaso Buscetta. Nëse drejtorët e tij janë akuzuar për krim të organizuar, kur bashkëpunon me prokurorin e ndërron rolin, nuk je më kriminel por bashkëpunëtor”, tha Haxhiu.
Discussion about this post