Analisti Baton Haxhiu e konsideron lëvizjen e Gazment Bardhit dhe grupit të deputetëve që e mbështesin si pragmatiste, por e konsideron të mbyllur çështjen e Partisë Demokratike.
Për Euroneës Albania, Haxhiu tha se pragmatizmi ka të bëjë me zgjedhjet e 2025, pasi Bardhi mendon të jetë në listën e Berishës si kandidat për deputet.
“Bardhi është një prej figurave që unë e kam pëlqyer, por do të jetë një prej figurave komike në këtë proces, pikërisht sepse të ardhmen e sheh brenda një strukture konjukturale për të qenë ose për të fituar postin e deputetit dhe asgjë më shumë dhe një njeri i cili ka bërë beteja publike ta zhvendosë veten…
Mendoj që deputetët e tjerë janë pa ndonjë kredibilitet publik, janë të vlerësuar nga vendet ku vijnë, por nuk kanë treguar asgjë dhe fakti që Bardhi i cili e ka mbajtur barrën kryesore gjatë kësaj periudhe, kundër Berishës dhe të tjerëve dhe shkon në shtratin e tij, ka të bëjë me dinjitetin dhe problemi është që këtu dinjiteti ka humbur me kohë e njerëzit kanë kaluar tërësisht në një pozicion pragmatik.
Ky pragmatizëm është i përqendruar te zgjedhjet e vitit 2025 që me siguri Bardhi mendon se do të jetë në listën e Berishës ose në partinë që vjen, sepse çështja e partisë tashmë ka përfunduar”, u shpreh Haxhiu për Euroneës Albania.
Discussion about this post