Pasditen e sotme qarkulloi lajmi se Kryeministri Edi Rama kishte shkarkuar nga detyra e ministres së Financave, Delina Ibrahimajn. Lajmi qarkulloi disa orë para mbajtjes së mbledhjes së Asamblesë, por në nisje të takimit, Kryeministri Edi Rama u përgjigj prerë me një “Jo” kur u pyet lidhur me vendimin.
Ndërsa ministrja e Financave, tha se as nuk ishte shkarkuar, as nuk kishte dhënë dorëheqjen, madje shkoi pak më tutje duke i cilësuar si thashetheme vere lajmet mbi shkarkimin e saj.
Lajmi në fakt rrodhi nga portalet e afërta me qeverinë dhe më pas u përhap në të gjitha mediat.
Albanian Post e analistit Baton Haxhiu në një kryeartikull të saj shkruan se i qëndron raportimit se Ibrahimaj është shkarkuar nga detyra, te cilën e ushtronte prej dy vitesh.
Madje AP njofton se ditën e nesërme (27 korriku) do të sjellë detaje të reja rreth shkarkimit dhe konfliktit mes vetë ministres dhe zëvendëskryeministres, Belinda Balluku.
Discussion about this post