Baton Haxhiu: Shteti ka pasur fakte për kriminelët, por nuk ka pasur guxim ti arrestonte

Analisti Baton Haxhiu ka komentuar lidhjet e politikës me krimin, duke marrë për bazë, aksionin e fundit të SPAK, ku u goditën grupet kriminale.

I ftuar në ‘Syri TV’, Haxhiu ka deklaruar se shteti ka pasur fakte për kriminelët, por ka munguar guximi që ti arrestonte.

Gjithashtu ka një lëvizje për të arritur një marrëveshje me Emiratet e Bashkuar Arabe dhe ata që janë kriminel dhe duhet të përballen me drejtësinë.

“Dy gjëra kanë ndodhur që SPAK dhe agjensitë e huaja i kanë vendosur këta emra në aktakuzë. Ekziston një marrëveshje që me siguri nuk është bërë publike se përse kanë ndihmuar por të gjithë ata që kanë marrë pjesë në vrasje dhe gjenden në Dubai do të ekstradohen.

Ka një lëvizje të tillë, për të arritur një marrëveshje me Emiratet e Bashkuar Arabe. Ata janë kriminel dhe duhet të përballen me drejtësinë.

Këto janë kriminel amator po shteti nuk ka funksionuar dhe realisht që faktet kanë ekzistuar por nuk ka pasur guxim ti arrestonte”, tha Haxhiu.