Eksperti i IT-së, Gent Progni, ka mbajtur një fjalim gjatë protestës së zhvilluar para Kryeministrisë, ku protestuesit kërkuan largimin e kryeministrit Edi Rama.
Në fjalën e tij, Progni ironizoi rritjen e çmimit të sufllaqeve, duke e lidhur me koncertin e artistit Kanye West, ndërsa shtoi se ata që morën pjesë në aktivitet, sipas tij, i kanë bërë një nder protestës.
Progni tha gjithashtu se po përgatitet një kallëzim i ri për t’u depozituar në Prokurorinë e Posaçme (SPAK), lidhur me një fond prej 4 milionë eurosh, për të cilin ai pretendon se i është dhënë një kompanie private.
“Kur po vija këtu çmimi i sufllaqes ishte rritur, se ishte maru nga ato të Kanye West. Ata që kanë shkuar atje na kanë bërë një nder, disa kanë shkuar me zor. Kur të vijë Shqipëria e Re, do të bëjmë një ligj të ri, dhe do ta quajmë ligji i sufllaqeve, dhe do i dënojmë…Por atje në burg nuk do i japim sufllaqe. Rama na ka dhënë mundësinë për të bërë një dosje tjetër për ta çuar në SPAK për 4 milionë euro.
4 milionë euro për t’ja dhënë kompanisë që organizon të gjithë tallavatë e kësaj qeverie. Kompani që baxhanaku i njërit prej oligarkëve që ka ndërtuar HEC-e kanë marrë dhe tokën atje që e kanë edhe pa leje. Këtë kompani ta çojmë në SPAK. Gjithashtu edhe Vasil Naçi ka edhe toka në Zvërnec, çdo gjë lidhet shumë mirë. Kjo është qeveri e tallavasë, qeveri që do arrestohet, qeveri që do japë dorëheqje”, tha Progni.
Discussion about this post