Leonard Solis, ish-deputet dhe ish-ministër, shprehet se sot Partia Socialiste është një klan. Duke folur me nostalgji për ish-liderin historik të socialistëve Fatos Nano, Solis tha në një intervistë për “‘Piranja Cast’ se ai e donte PS.
“‘Fatos Nano e donte PS-në, e kishte parti me struktura, dëgjoheshin, kritikoheshin, debate, shpeshherë kishte debate edhe të ashpra, por e donte atë parti.
Unë edhe në biseda konfidenciale e shikoja kur thoshte se, ky është njeri i mirë, punëtor shumë i mirë.
Tani është një klan as i majtë e as i djathtë, është një klan i disa njerëzve të cilët janë të mbështetur nga një klan i Sorosit dhe duket se Amerika na ka lënë me qira tek Soros”, tha Solis.
Përsa i takon “non grata-s” së Sali Berishës nga DASH, Solis thotë “unë gjithçka mund të besoj por që Berisha është armik i SHBA nuk ka shqiptar që e ha këtë. Ai ka qenë mik i familjes Bush edhe i Amerikës dhe ka bërë hapa të mëdha përpara me futjen në NATO dhe liberalizimi i vizave po tani po ta vunë gishtin këta i thonë Alex Sorosit dhe ai ja ka marrë dorën gishtave.”
Solis ka theksuar se PS duhet të bjerë nga pushteti sepse nuk ka se çfarë t’i japin më Shqipërisë dhe vetëm të këqija po i sjellin.
Discussion about this post