Shtëpia e Bardhë ka reaguar për herë të parë pas videos virale ku kryeministri Edi Rama shfaqej duke bërë batuta mbi presidentin amerikan, Donald Trump, gjatë një takimi me presidentin francez Emmanuel Macron dhe atë të Azerbajxhanit, Ilham Aliyev.
Nënsekretarja për mediat, Anna Kelly, në një komunikim me gazetarin e Top News, Xhoi Malësia, theksoi se “Presidenti Trump ka bërë më shumë për stabilitetin global, se sa çdo lider tjetër në botë!”
Videoja e shpërndarë në rrjetet sociale ka ngjallur reagime ndërkombëtare, pasi Rama shfaqej duke bërë shaka mbi deklaratat e Trump se kishte ndaluar një konflikt midis Shqipërisë dhe Azerbajxhanit.
Batuta e Ramës në prani të dy lidereve të tjerë u përshkruan si ‘tallëse’ nga disa prej mediumeve më prestigjioze të botes, por ishte vetë Kryeministri i cili u përpoq” ta zbusë dhe e sqaroi se ishte keqinterpretuar shakaja.
Discussion about this post