Një ndeshje formatimi duket se ishte ajo e javës së pestë në Bundesligën Gjermane mes Bayern Munich dhe Bochum, ku skuadra mike pati frymëmarrje vetëm për 15’ minutat e para të takimit.
Pjesa e parë e ndeshjes ndaj Bochumit u karakterizua me dominim të Bayernit, i cili përveç rasteve të shumta shënoi edhe katër gola.
Serinë e golave për Bayernin e hapi Leroy Sane 17’ me një supergol nga goditja e lirë për 1-0, ndërsa Joshua Kimmich 27’ shënoi për 2-0.
Bayerni shpejt gjeti edhe golin e tretë me Serge Gnabry 32’ për 3-0, ndërsa Vassilios Lampropoulos shënoi autogol për 4-0.
Në pjesën e dytë, Bayerni vazhdoi me lojë më të mirë dhe shënoi edhe tri gola tjera për të arritur një fitore të madhe.
Robert Lewandowski 61’ shënoi për 5-0, Kimmich 65’ u përkujdes për 6-0, ndërsa Eric Choupo-Moting 79’ shënoi për rezultatin përfundimtar 7-0, që vulosi dhe fatin e takimit në favor të bavarezëve.
