Futbollisti portugez Joao Cancelo po vazhdon të tregojë vlerën e tij te skuadra e Bajernit të Mynihut. Në takimin përballë Wolfsburgut, në kuadër të kampionatit gjerman të futbollit, mbrojtësi i djathtë, ishtë autor i një asisti, në fitoren përballë një herë kampionëve të Gjermanisë.
Por kjo mbetet vetëm njëra anë e medaljes, pasi së fundmi drejtori sportiv i gjigantëve nga Mynihu e ka bërë të qartë se ata nuk kanë ndër mend të shpenzojnë 70 milionë euro në sigurimin e shërbimeve të mbrojtësit, i cili ende mbetet me letra lojtar i Manchester Cityt.
Pikërisht kjo është klauzola e largimit, pasi formula aktual mbetet vetëm mbi huazimin deri në fund të sezonit. Një rol shumë të rëndësishëm në zgjedhjen e këtij operacioni mund të luajë edhe dëshira e lojtarit. Joao pasi zbarkoi në Mynih u shpreh se Bayerni ishte realizimi i një ëndrre.
Discussion about this post