Bayerni i Mynihut jep fund fazës parasezonale, duke fituar me rezultatin 4-2 përballë AS Monacos, takim i luajtur në stadiumin e Unterhaching.
Sfida nisi mirë për ekipin nga principata duke gjetur golin me Minaminon në minutën e 29’. Gjithsesi nuk vonoi shumë teksa pas dy minutash Laimer vendosi baraspeshën. Në fundin e pjesës së parë erdhën dhe dy gola të tjerë nga Musiala dhe Gnabry.
Në pjesën e dytë Ben Jeder rihapi dhe njëherë takimin, teksa Leroy Sane e vulosi përfundimisht atë duke shënuar dhe golin e katërt për gjermanët.
Kështu Bayerni mbyll fazën parasezonale, teksa ndeshja e ardhshme do të jetë kundër RB Leipzig në finalen e Superkupës së Gjermanisë, ndërsa Monaco do të startojë kampionatin kundër skuadrës së Clermont.
Discussion about this post