Bayern Munich pritet ta rikthejë legjendën e klubit, mbrojtësin gjerman Jerome Boateng, shkruajnë mediat gjermane.
Ai luajti 363 ndeshje për Bayernin, fitoi 22 trofe, përfshirë dy në Ligën e Kampionëve dhe nëntë në Bundesligë.
Boateng pritet të paraqitet në stërvitjen e sotme të ekipit bavarez, shkruan Sky Sports.
Gazetari i këtij mediumi, Florian Plettenberg, shkruan se Bayern Munich është në negociata me ish-lojtarin e tyre, i cili aktualisht është i lirë pas ndërprerjes së kontratës me Lyon në fund të sezonit të kaluar.
Në kulmin e karrierës së tij, Boateng ishte edhe lojtar i kombëtares gjermane, për të cilën bëri 76 paraqitje nga viti 2009 deri në vitin 2018 dhe Kupën e Botës në vitin 2014.
Discussion about this post