Bayern Munchen ka realizuar një fitore tenistike ndaj Mainz, duke trimfuar në Allianz Arena, me rezultatin 8-1.
Ekipi i Tuchel në 20 minutat e para të ndeshjes realizoi dy herë me Kane dhe Goretzka. Mainz shkurtoi diferencën me Amirin në të 31-tën, i asistuar nga lojtari shqiptar Brajan Gruda. Por Kane realizoi sërisht në 45 minutat e para të takimit duke e çuar në 3-1 avantazhin.
Në fillimin e pjesës së dytë vijoi spektakli nga bavarezët, këtë herë me Muller, Musiala dhe Gnabry. Kane kompletoi tripletën, në të 71-tën minutë. Në fund pati kohë edhe për një gol tjetër të Goretzkës.
Bayern ndodhet në vendin e dytë në Bundesliga, 7 pikë më pak se Leverkusen që ka një ndeshje më pak.
Mainz është në vendin e parafundit.
Discussion about this post