Java e gjashtë e Bundesligës gjermane vuri përballë bavarezëve të Bayern Munich skuadrën e Greuther Furth.
Kampionët e gjetën golin e avantazhit që në minutën e 10’ me Muller, për tu ndjekur më pas nga Kimmich në minutën e 31’, me golin që vulosi edhe rezultatin e pjesës së parë në 2-0.
Fillimi i pjesës së dytë do ta gjente skuadrën e Nagelsmann me 10të lojtarë si pasojë e një ndëshkimi me karton të kuq të Pavard.
Pavarsisht, ky fakt nuk ndikoi aspak, pasi një autogol i të zotëve të shtëpisë do të thellonte disavantazhin e tyre në 3-0, ku vetëm në minutat e fundi ata mundën të shënonin golin e ‘nderit’, me rezultatin final të ndeshjes që u mbyll në 3-1.
Në këtë mënyrë Bayern Munich vazhdon të forcojë pozitat në kreun e tabelës së Bundesligës me 16 pikë dhe pesë fitore radhazi, ndërsa Greuther Furth endet në pozicionin e fundit të renditjes me vetëm një pikë në gjashtë javë të këtij kampionati.
