Bayern “për shëtitje” ndaj Wolfsburg, e mbyll vitin me goleadë

Bayern Munich ka fituar bindshëm në ndeshjen e fundit të vitit ndaj Wolfsburg.

Të besuarit e Nagelsmann shënuan katër gola për një fitore që i mban të sigurt në krye të renditjes së Bundesligës.

Thomas Muller ishte i pari që hapi serinë e golave në minutën e shtatë të takimit, për t’u pasuar nga Upamecano në minutën e 57-të. Sane i dha bavarezëve avantazhin e trefishtë dy minuta më vonë dhe në përfundim të takimit i përhershmi Robert Lewandowski shënoi emrin në listën e golashënuesve.

Bayern e mbyll vitin në krye të kampionatit me 43 pikë, duke lënë pas Borussia Dortmund me 34 pikë, që pret ende të luajë ndeshjen e kësaj jave.