Një rezultat surprizë e aq më tepër kur Bayern Munchen kishte kaluar fillimisht në avantazh. Leipzig bën goditjen e madhe të javës së parafundit në Bundesliga pasi mundi në “Allianz Arena” 3-1 Bayern Munchen duke kthyer ne favor disavantazhin e pjesë së parë.
Një fitore shumë e rëndësishme për Leipzig por më tepër për Borussia Dortmund që ditën e nesërme ka mundësi të parakalojë skuadrën e Thomas Tuchel nëse arri të fitojë ndeshjen në transfertën e Augsburg.
Gnabry zhbllokoi ndeshjen në minutën e 25 por më pas Laimer, Nkunku dhe Szoboszlai i dhanë një shuplakë shumë të rëndë ekipit vendas që vazhdon të kryesojë por pas 24 orësh mund të zbresë në vendin e dytë. Në javën e fundit, Borussia Dortmund do të presë Mainz ndërsa Bayern Munchen udhëton drejt Koln-it.
Discussion about this post