Bayern është klubi më i mirë në renditjen e UEFA-s edhe për vitin 2021. Kampionët e Champions League në 2020, ruajtën vendin e parë sa i përket renditjes bazuar te koeficienti 5-vjeçar, me 133 pikë.
Vendin e dytë, duke u ngjitur 4 pozicione, e merr Manchester City, me 124 pikë, që këtë vit kryeson Premier League dhe ka si objektiv sërish finalen e Champions League 2022, pas humbjes kundër Chelsea në 2021.
Klubi i tretë është Liverpool, duke ngjitur 7 vende, me 122 pikë, ndjekur nga Chelsea me 116 pikë. Real Madrid dhe Paris Saint-Germain qëndrojnë në vend të pestë, ndërsa Barcelona e Juventus kanë humbur 5 vende, për shkak të formës së dobët të treguar përgjatë gjysmës së dytë të vitit, duke zbritur respektivisht në vend të shtatë e të tetë. Dhjetëshja mbyllet nga Manchester United dhe Atletico Madrid, me 104 dhe 100 pikë respektivisht./K.T/Gijotina.com
Discussion about this post