David Alaba dhe Serge Gnabry janë parë në shoqërinë e njëri-tjetrit fundjavën e fundit dhe zërat e një bashkimi në kryeqytetin spanjoll kanë filluar të ziejnë. Dyshja në fjalë ka qenë prezente në cirkuitin e Barcelonës në vigjilje të Formulës 1.
Mediat gjermane dhe ato pranë Realit shkojnë më tej, duke pohuar se mbrojtësi austriak në pronësi të “galaktikëve” po punon për të bindur Gnabryn të largohet nga Bayerni me destinacion “Santigao Bernabeu”-n. Kampionët e Gjermanisë janë duke eksploruar tregun për të gjetur alternativën e duhur në majë të fazës ofensive, konkretisht “pykën”.
Sigurimi i të ardhurave në këtë pikë ka marrë nota jetike në Mynih, gjithsesi repertori i Serge në javët e fundit me bavarezët dëshmon se ai është i aftë të marrë rol jetik në shënimin e golave, e përkthyer si finalizuesi më i mirë i ekipit, me 14 konkretizime në Bundesligë. Kontrata me rekordmenët e Gjermanisë i skadon pas 3 vitesh, çka do të thotë se vetëm oferta e duhur në drejtim të Mynihut do t’i bënte punë Ancelottit në sigurimin e 27- vjeçarit.
“Bild”, jo më larg se një javë më parë, e bëri fakt të kryer se bordi i Bayernit ka marrë vendimin që në merkaton e verës shuma e 150 milionë eurove do të vihet në dispozicion mbi afrimin e futbollistëve në planet e Tuchelit. Shuma nuk i përmbush kërkesat e teknikut 49-vjeçar, i cili kërkon të paktën 2 përforcime me peshë, një mesfushor të denjë përkrah Kimishit dhe një 9.
Mediumi i specializuar rreth vlerësimit të lojtarëve, “transfermarkt”, e kuoton 55 milionë euro personazhin e lindur në Shtutgart. Vendim të rëndësishëm në finalizimin e këtij operacioni ose jo do të ketë edhe Tomas Tuchel. Ai e ka vlerësuar vullnetin dhe grintën e sulmuesit, sinjale se futbollisti me numër 7 në “Allianz Arena” ka hedhur rrënjë të forta.
Discussion about this post