Kryedemokrati Sali Berisha ka publikuar një deklaratë pas inaugurimit të bazës ajrore të NATO-s në Kuçovë, ku thuhet PD mbështet pa rezerva bashkëpunimin me Aleancën e Atlantikut të Veriut.
Berisha ka deklaruar se hapja e bazës ajrore të NATO-s në Kuçovë është ngjarje e rëndësishme për sigurinë e vendit dhe Aleancës së Atlantikut të Veriut.
Deklarata:
Sot u inaugurua në Kuçovë, pas rikonstruksionit të Aeroportit, baza ajrore e NATO-s në Shqipëri. Partia Demokratike, si forca politike e parë në Europën ish-komuniste që kërkoi anëtarësimin e vendit në NATO dhe që 15 vjet më parë me reforma të thella dhe të shumëanshme antarësoi Shqipërinë në NATO, përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut.
Partia Demokratike garanton NATO-n se ajo sot dhe në të ardhmen mbështet pa rezerva bashkëpunimin me Aleancën e Atlantikut të Veriut dhe mbetet e vendosur në respektimin e të gjitha detyrimeve politike dhe ushtarake të Shqipërisë ndaj saj.
Discussion about this post