Bashkimi Europian pret të marrë më shumë se 1 miliardë doza të COVID-19 deri në fund të shtatorit nga katër kompanitë farmaceutike, sipas një dokumenti të paraqitur për liderët evropianë sot.
Dokumenti, i aksesuar nga Reuters dhe i përgatitur nga Komisioni Europian, tregon se BE beson se do të ketë mjaft vaksina për të imunizuar të gjithë popullsinë.
Më konkretisht, BE pret të marrë 413 milion doza në tremujorin e dytë të këtij viti dhe 529 milion të tjerë në korrik-shtator. Blloku mori 106 milion vaksina në tremujorin e parë.
Vlerësimet marrin parasysh vetëm vaksinat nga katër kompani farmaceutike: Pfizer-BionTech, Johnson & Johnson, AstraZeneca dhe Moderna.
Ata përjashtojnë dozat nga kompania gjermane e bioteknologjisë CureVac dhe kompania farmaceutike franceze Sanofi, të cilat kanë nënshkruar kontrata me BE për qindra miliona doza, por po e kanë të vështirë të zhvillojnë vaksinat e tyre dhe të sigurojnë miratimin e rregullatorëve evropianë.
