Shefi i politikës së jashtme të BE-së, Joseph Borrell, tha në një takim në Slloveni se në këtë moment është e nevojshme që të rivendoset prania e tyre në Afganistan.
“Për të mbështetur popullsinë afgane, ne do të duhet të angazhohemi me qeverinë e re në Afganistan, por kjo nuk do të thotë njohje, është një angazhim operacional”, u tha Borrelli gazetarëve të premten.
Sipas BE -së, bashkëpunimi varet nga përmbushja e pesë kushteve nga talebanët, përfshirë parandalimin e shpërndarjes së terrorizmit, respektimin e të drejtave të njeriut, krijimin e një qeverie gjithëpërfshirëse, lejimin e qasjes në ndihma humanitare dhe lejimin e largimeve të civilëve afganë dhe evropianë që dëshirojnë të largohen.
Kur talebanët pushtuan Afganistanin muajin e kaluar, BE dhe shumë vende perëndimore zgjodhën mbylljen e ambasadave në Afganistan, duke kufizuar ndikimin dhe përfshirjen e tyre në çdo administratë të re.
Por tani, Brukseli po ndryshon tonet e tij, ndërsa ngelen skeptikë në lidhje me njohjen zyrtare të talebanëve dhe sa e besueshëm do të jetë qeveria e re. Megjithatë, Borelli shpreson të mbajë të sigurt çdo qytetar evropian që mbetet në Afganistan dhe të parandalojë një fluks të ri emigrantësh që vijnë në kufijtë e bllokut.
