Presidentja e Komisionit Evropian Ursula von der Leyen akuzoi Rusinë se po përpiqet të “shantazhojë” BE-në me gaz, pasi gjigandi rus i energjisë Gazprom ndaloi furnizimet në Poloni dhe Bullgari.
“Njoftimi i Gazprom është një tjetër përpjekje e Rusisë për të na shantazhuar me gaz. Ne jemi të përgatitur për këtë skenar. Ne jemi duke hartuar përgjigjen tonë të koordinuar të BE-së. Europianët mund të besojnë se ne qëndrojmë të bashkuar dhe në solidaritet me shtetet anëtare të prekura”, shkruan Von der Leyen në Twitter.
Sipas CNN, në një deklaratë Von der Leyen tha gjithashtu se një takim midis grupit të koordinimit të gazit të BE-së ishte duke u zhvilluar për të hartuar një përgjigje.
“Ne gjithashtu do të vazhdojmë të punojmë me partnerët ndërkombëtarë për të siguruar flukse alternative dhe unë do të vazhdoj të punoj me liderët evropianë dhe botërorë për të garantuar sigurinë e furnizimit me energji në Evropë,” tha ajo.
Discussion about this post