Delegacioni i BE në Tiranë ka dhënë një mesazh të fortë në Ditën Ndërkombëtare kundër Korrupsionit, ku shkruan se ky i fundit ndikon në shtetin ligjor në besimin e publikut tek institucionet.
Përmes një postimi në Facebook, Unioni i bën thirrje institucioneve që të intensifikojnë veprimet e tyre kundër korrupsionit dhe të nxjerrin para drejtësisë gjithë ata që janë të përfshirë në akte korruptive.
“Korrupsioni shteron burimet jetike të Shqipërisë, ndikon në shtetin ligjor dhe në besimin e publikut tek institucionet, si dhe ngadalëson ndjeshëm zhvillimin ekonomik. Në Ditën Ndërkombëtare kundër Korrupsionit, u bëjmë thirrje gjithë institucioneve që të intensifikojnë veprimet e tyre kundër korrupsionit dhe të nxjerrin para drejtësisë gjithë ata që janë të përfshirë në akte korrupsioni. Është jetike për të ardhmen e popullit shqiptar dhe për anëtarësimin e Shqipërisë në BE. BE-ja qëndron krah Shqipërisë dhe popullit të saj në këtë luftë”, shkruhet në njoftim.
Më herët, ka qenë dhe ambasada e SHBA që dha mesazhin e saj për luftën ndaj korrupsionit në vend, ku bëri thirrje që qeveritë t’i përmbahen angazhimeve për të luftuar korrupsionin.
Discussion about this post