Pas vendimit të SHBA për të lejuar udhëtarët e vaksinuar nga Bashkimi Europian dhe Mbretëria e Bashkuar, ka reaguar Komisioni Europian.
Me anë të një postimi në Twitter, KE e mirëpret vendimin e SHBA dhe këtë e quan si një hap të shumëpritur për familjet dhe miqtë e ndarë dhe një lajm i mirë për bizneset.
“Ne mirëpresim njoftimin e Shteteve të Bashkuara se udhëtarët e vaksinuar plotësisht nga BE së shpejti do të jenë në gjendje të udhëtojnë përsëri në Shtetet e Bashkuara. Një hap i shumëpritur për familjet dhe miqtë e ndarë dhe një lajm i mirë për bizneset. Ne do të vazhdojmë të punojmë për udhëtime të sigurta”- shkruan në një postim Komisioni Europian.
Ky vendim i amerikanëve hyn në fuqi nga nëntori dhe i jep fund ndalimit 18-mujor për qytetarët europian dhe britanikë. Ishte Donald Trump që vendosi urdhrin në mars të 2020, por Biden kishte paralajmëruar me kohë se do të ndryshonte rregullat.
