Bashkimi Europian u është bashkuar anëtarëve të Këshillit të Shteteve të Detit Baltik (CBSS) në pezullimin e Rusisë dhe Bjellorusisë nga aktivitetet e Këshillit, shkruan Reuters.
“Ky vendim është një pjesë e përgjigjes së Bashkimit Europian dhe partnerëve të saj, të cilët ndajnë të njëjtin mendim ndaj pushtimit të Ukrainës dhe përfshirjes së Bjellorusisë në këtë agresion të paprovokuar dhe të pajustifikuar. BE ka rënë dakord me anëtarët e tjerë të CBSS (Danimarkë, Estoni, Finlandë, Gjermani, Island, Letoni, Lituania, Norvegji, Poloni dhe Suedi) që pezullimi i Rusisë dhe Bjellorusisë do të mbetet në fuqi derisa të fillojë bashkëpunimi, bazuar në respektimin e parimeve themelore të së drejtës ndërkombëtare”, thuhet në deklaratë.
Më herët, mes Rusisë dhe Ukrainës u ra dakord për një armëpushim prej 7 orësh për të siguruar dy kalime humanitare për qytetarët që të largohen të sigurt nga vendi.
Discussion about this post