BE rikthen Soreca-n si ambasador të përkohshëm në Shqipëri

Luigi Soreca është rikthyer si ambasador i Bashkimit Europian në Tiranë.  Soreca rikthehet në këtë detyrë pas largimit të Christine Hohmann.

Soreca pritet të drejtojë Delegacionin e BE-së në Tiranë nga data 1 shtator 2023 deri në emërimin e ambasadorit të ri të Bashkimit Europiuan.

Soreca shërbeu si ambasador i BE-së në Shqipëri nga 2018 deru në prill 2022 kur u largua nga Shqipëria, ndërsa në vend të tij erdhi diplomatja gjermane Hohmann. Kjo e fundit pas 1 viti qëndrimi në Shqipëri u largua nga shërbimi diplomatik i BE-së, ndërsa u rikthye në diplomacinë gjermane, ku vijon karrierën si ambasadore e Gjermanisë në Irak.

Periudha që Soreca ka drejtuar zyrën e BE-së në Tiranë është shoqëruar me një seri tensionesh politike në vend, ku ngjarja më e rëndësishme mbeten zgjedhjet e 2019 që u bojkotuan nga opozita e atëhershme e drejtuar nga Lulzim Basha, por edhe zgjedhjet parlamentare të 2021, që i dhanë mandatin e 3-të qeverisës Edi Ramës.

Në jo pak raste, Soreca është akuzuar nga opozita si i njëanshëm në qëndrimet e tij apo si mbështetës i politikave të Kryeministrit Edi Rama.

Ardhja e tij në Shqipëri përkoi me zhvillime të rëndësishme në reformën në drejtësi, përfshi këtu edhe konsolidimin e SPAK dhe BKH, edhe pse rolin parësor në këtë proces e ka luajtur ish-ambasadorja amerikane Yuri Kim.