Ish-banorja e “Big Brother Vip”, Beatrix Ramosaj mund të themi që ka qenë një ndër banoret më të ndjeshme brenda shtëpisë së famshme, e cila në çdo moment na ka treguar marrëdhënien e ngushtë që ka me familjen e saj dhe në veçanti me Albanin. Si rrallëherë, sot këngëtarja ka publikuar një foto të babait të saj në Instagram, ku ka treguar se i mungon dhe se do donte shumë ta kishte pranë.
“Do doja të ishe këtu babi, vërtetë na mungon shumë”, ka shkruar Beatrix.
Ajo ka folur brenda shtëpisë së Big Brother VIP për raportin me të atin, duke e përshkruar si një njeri shumë të bukur dhe mbështetës.
“Nuk e kam vujt në atë moment për veten, sa e kam vujt për Albanin. Atë natë kemi nejt në spital, në Prishtinë. Babi qe në koma. Deri në moment të fundit, ata s’donin me më lon se e vogël. Pjesën më të vështirë e kam pas si me ia thon Albanit. Imagjino, edhe mami stres… Unë sa kisha fillu me u bo shok me babin. Sa kisha fillu me kuptu gjonat. Isha në gjimnaz. ‘Trix’ tha ‘bone naj kafe turke’. Unë e vogël bona një kafe turke. Kishim një tavolinë të bardhë në kopsht në Llapashticë. ‘Trix i babit’ më tha, ‘nëse e gjen një djalë duhesh mu me ardh me më thon të parin’. Edhe unë ‘ok, babi’. Sa kishte dal koha e internetit. Në Llapashticë nuk kishte njeri, e kishte sjellë kompjuter se gjithmonë ka qenë i fiksuar pas teknologjisë. Albanit ia ndërronte ata telefonat e vjetër një herë në javë. Kishte qejf shumë. E na i mësonte ato me telefona me kompjutera. Kemi pas laptop që në 200-shin, që na e kishte sjellë nga Gjermania dhe shkruante aty gjëra. Kishte dal MSN atëherë edhe vinte mçeftas me pa me çin po flisja. Shumë serioz ka qenë, shumë i drejtë”, ka thënë asokohe Trixa.
Megjithatë, Ramosaj ka shtuar se e ëma e saj Antigona e ka bërë më së miri rolin e të dyve, por shpesh i ka munguar i ati.
Discussion about this post