Beatrix i shpreh hapur dashurinë, por Donaldi nuk ia kthen në mënyrën e duhur

Çifti më i ri i showbizit, Donaldi dhe Beatrix kanë filluar t’i shprehin njëri-tjetrit ndjenjat hapur. Pasditen e sotme, teksa në sfond ishin vendosur këngë labe, këngëtarja u shpreh se ndihet e lumtur që edhe Donaldi është i lumtur.

“Po e shijoj, lumturia jote është dhe lumturia ime. Të dua”, i tha Beatrix dhe i dhuroi një puthje.

Por teksa mendonim që edhe Donaldi t’i thoshte të paktën “Edhe unë të dua”, në fakt përgjigja e tij nuk pritej.

“E mora vesh”, i tha ai Beatrixës dhe i kërkoi të vazhdonte kërcimin.

Kujtojmë që së fundmi Beatrix ka akuzuar Donaldin se nuk i kushton më vëmendje si në fillim.