Këngëtarja me famë botërore, Bebe Rexha, ka dhuruar 10 mijë dollarë për Spitalin e Dibrës, me arsyetimin se nuk ka furnizimet e nevojshme.
Artistja i ka bërë thirrje për ndihmë të gjithë ndjekësve në Instagram, ku përmes një postimi në “Instastory”, shkruan:
“Për të gjithë shqiptarët e mi dhe dibranët ju lutem ndihmoni. Nuk ka mjaftueshëm furnizime. Ju lutem ndihmoni duke dhuruar. Çdo gjë ndihmon. Ju lutem ndihmoni, nuk ka mjaftueshëm furnizime”, shkruan Bebe “InstaStory”.
Këngëtarja ka postuar gjithashtu linkun nga ku mund të dhurohen online para për spitalin. Siç vihet re, deri më tani janë mbledhur 33.280 dollarë, ku 10 mijë janë dhuruar nga artistja 32-vjeçare.
