Spektri i ndjenjave patriotike dhe përkrahja për Kombëtaren e Shqipërisë në Euro 2024 kanë arritur një pikë të re emocionuese, kësaj radhe nga një emër i njohur në skenën ndërkombëtare, këngëtarja shqiptare me famë botërore, Bebe Rexha.
Duke shprehur mbështetjen e saj të papërtuar për ekipin kombëtar, Bebe ka ndarë me ndjekësit e saj në Instagram një fotografi të mbushur me emoji të flamurit kombëtar shqiptar.
Pas kësaj shprehjeje të ndjenjave nëpërmjet fotografive dhe emoji-ve, ajo nuk ndaloi me kaq. Autorja e superhitit “The Monster” ka zgjedhur të rishpërndajë në llogarinë e saj me mbi 12 milionë ndjekës në Instagram një video plot energji dhe humor të tifozëve shqiptarë.
Në video, tifozët shqiptarë, me nota humori, janë parë duke thyer pastat e famshme ‘spaghetti’ përballë tifozëve italianë, vetëm pak orë përpara ndeshjes së madhe mes Shqipërisë dhe Italisë në Euro 2024.
Përmes këtij veprimi, këngëtarja e shumë hiteve botërore ka lidhur një zinxhir të solidaritetit dhe mbështetjes jo vetëm për sportin, por edhe për identitetin kombëtar që i bashkon shqiptarët kudo në botë.
View this post on Instagram
Discussion about this post