Avokati Genc Gjokutaj ka deklaruar se kryeministri i Republikës së Shqipërisë Edi Rama duhet të mbajë përgjegjësi penale për gjobën 110 mln euro që mori Shqipëria në arbitrazh, për çështjen “Becchetti”.
Sipas avokatit Gjokutaj Rama ka shpërdoruar detyrën, duke i sjellë shtetit dëm ekonomik.
“Këta nuk marrin parasysh dëmin ekonomik. Një drejtues shtetëror nëse ka dëm ekonomik për shkak të veprimtarisë së tij ai jo vetëm shkarkohet, por merret në përgjegjësi penale për shpërdorim detyre. A duhet të merret në përgjegjësi penale Edi Rama për këtë rast? Absolutisht. Ai e ka mbrojtur, ai e ka marrë përsipër të gjithë këtë histori.
“Kush e shkaktoi këtë dëm ekonomik? Kush u përplas me Becchettin? Agon Channel është bastisur, ka shkuar policia e shtetit, kanë shkuar organet shtetërore dhe kanë bërë bastisje atje. Becchetti është shtetas i huaj se të ishte shtetas shqiptarë s’dihet a do të ishte shqiptar dhe vuri në lëvizje gjykatat ndërkombëtare”, u shpreh Gjokutaj në Syri Tv.
Discussion about this post