Kryetari i Bashkisë Shkodër po i shpenzon fondet vetë, për naftë e benzinë që i duhet stafit të tij dhe institucioneve vartëse që të furnizojnë makinat e tyre. Për këtë më datë 26 shtator 2023 ai ka firmosur 3 tenderë, që janë dhënë pa garë fare dhe pa zbatuar rregullat e ligjit “Për Prokurimet publik”. Loti i parë ka si objekt “Blerje gazoil (Bludiesel) për automjete për nevojat e Bashkisë dhe të Institucioneve të Varësisë së Bashkisë”, për të cilin janë vënë në dispozicion 173 milionë lekë.
Me këto para do të blihen 113,920 litra naftë, që sigurisht do të shkojnë kryesisht për të furnizuar makinat e drejtorëve në Shkodër. Sakaq, shohim se ky tender pa garë fare i është dhënë firmës “Kastrati”, në pronësi të Shefet Kastratit. Në dokumente nuk flitet për asnjë kompani të skualifikuar, çka do të thotë se Kastrati ka qenë i vetmi që ka paraqitur ofertë dhe Beci e ka pranuar menjëherë.
Ose më saktë, mund të themi që ky tender është hartuar si një marrëveshje e radhës mes tyre. Gjë të cikën e vërtetojmë edhe me tenderët më poshtë për dy lotet e tjera.
Loti II
Në Lotin e II, Beci ka planifikuar blerje benzine sërish për stafin e tij. Bëhet fjalë për tenderin me objekt Loti i Dytë :“Blerje benzinë pa plumb për nevojat e Institucioneve të Varësisë së Bashkisë”. Sipas të dhënave të tenderit do të blihen 8,180 litra benzinë. Kështu, vetëm për 3 muaj që kanë mbetur stafi i Becit do të shpenzojë 122.100 litra karburant. Sikur kaq të jetë maksimalja për çdo 3 mujor, për një vit Bashkia do të shpenzojë miliona për të blerë 448, 400 litra karburant vetëm për makinat e punonjësve.
Por, ajo që bie në sy është fituesi, Kemi të bëjmë sërish me procedurë antiligjore, kur fituesi është shpallur paraprakisht dhe madje i përcakton bashkisë vlerën që do të ketë kontrata.
Loti III
Ndërkohë Loti III ka si objekt “Blerje gazoil (Bludiesel) për kaldajën e Teatrit Migjeni” dhe kaldajat e shkollave te arsimit 9-vjecar dhe te mesëm”. Më në fund Beci është kujtuar të bëjë një investim të mirë, të sigurojë lëndë ngrohëse për shkollat në Shkodër.
Vëmë re që për këtë lot vlera është më e ulët mbi 50 milionë lekë dhe nuk ka asnjë plan afatgjatë edhe për shkollat e tjera, pasi të gjithë e dimë që Shkodra është një qytet i ftohtë. Gjithsesi parashikohet që të blihet vetëm 36 mijë litra lëndë djegëse për të gjithë këto institucione. Dhe me sa duket ky lot i tretë është futur për të mbuluar abuzimin që behet me karburant nga Bashkia.
Lexo edhe: Benet Beci i dhuron 972 MLN lekë Luan Kaprit, tenderi për pastrimin e 4 fshatrave të Shkodrës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post