Ylli i futbollit anglez David Beckham ka bërë një arratisje të habitshme. E gjithë skena ndodhi pasi 47-vjecari pa të birin Romeo të debutonte me Brentford. Ai firmosi një kontratë huazimi me klubin javën e kaluar. 20-vjeçari Romeo bëri debutimin e tij ndaj Eirth & Belverde, të cilët luajnë në ligën e nëntë të futbollit.
Beckham, u përball me shiun e rrëmbyeshëm për të parë djalin e tij të hynte si zëvendësues në pjesën e dytë në ndeshjen e Kupës së Senioreve të Londrës, i veshur me një xhaketë si mushama për të përballuar shiun.
Me sa duket, ai nuk ishte i përgatitur të merrej me kërkesat e pafundme për foto dhe shtrëngime duarsh nga fansat e tij.
Kështu, Beckham u ngjit nga tribuna për të dalë jashtë stadiumit dhe më pas kaloi me shpejtësi sipër një gardhi për t’u larguar nga “Park View Road”. Beckham nuk e kishte planifikuar kështu daljen e tij, i cili u ndoq nga më shumë se 550 tifozë. Pasi u ngjit nga tribuna, ai vendosi kapuçin e tij dhe hypi mbi një gardh druri dhe më pas kaloi nëpër disa shkurre me gjëmba për të shpëtuar.
Discussion about this post