Debatet në seancën e Kuvendit vijojnë ende. Në takimin e sotëm pritet të ketë një nocion me debat për Integrimin Europian. Por deputëtët nga grupi i ish-kryeministrit Sali Berisha janë ankuar se nuk është dhënë koha e duhur për diskutim.
Deputetja demokrate Ina Zhupa tha se është njoftuar së fundmi se nuk është më pjesë e Grupit Parlamentar të Partisë Demokratike ndërsa akuzoi pjesën tjetër të kolegëve të saj se janë bërë bashkë me mazhorancën që të mos i “lënë të flasin e të bëjnë opozitë.”
“Si qenka kufizuar koha e deputetit? Dyshoj, që këta duan që ta limitojnë që të bëjnë vetë marrëveshjen me mazhorancën. Dhe të mos na lënë të flasim e të bëjmë opozitë.
“Në momentin që ne kërkojmë fjalën, aq sa të na bjerë…dua ta di në cilin nen më ndalohet të flas për procesin e integrimit. Kush e ka vendosur që opozita të mos flasë? 1 apo 2 minuta, sa të bjënë?”
Edhe deputeti Edmond Spaho kërkoi më shumë kohë diskutimi ndërsa theksoi se në atë sallë është deputet i pavaruar dhe nuk përfaqësohet nga Enkelejd Alibeaj.
“Thoni që keni marrë vendim në konferencë të kryetarëve. Unë jam i pavaruar, s’më përfaqëson as Alibeaj dhe asnjë tjetër. Kushtetuta më jep të drejtë që të vij e të diskutoj këtu. Nuk është hera e parë që e bëni këtë. Ju jeni bedelat e atij që vjen në karrigen kryesore. Ju jeni rublaxhinjtë e Lukashenkos…Si ju janë edhe ca të tjerë nga krahu jonë, jeni bërë turpi i qytetarëve shqiptarë e keni përdhosur këtë parlament”.
Discussion about this post