Arben Ahmetaj hodhi akuza të rënda ndaj kreut të SPAK Altin Dumani kur tha se është i bindur se ai është pjesë e lojës së qeverisë për ta burgosur dhe nëse do të ndodhte kjo gjë ai nuk do të dilte i gjallë prej andej.
Ahmetaj tha gjithashtu se është kërcënuar me jetë sërish para disa ditësh, ndërsa shtoi se SPAK nuk bënë të njëjtën gjë me ata që janë afër Ramës.
“Po Benet Beci i prish faktet? Po Erion Veliaj i prish faktet? Po Frida Krifca, Belinda Balluku, Damian Gjiknuri, Ogerta Manastirliu?
Jam kërcënuar me shprehjen ‘kur të ngremë ne furtunën t’i do fluturosh në qiell’. Kam dyshime serioze që Altin Dumani ka qenë pjesë e zhdukjes sime. Nëse unë do të futesha në burg nuk do të dilja gjallë prej andej. Jam kërcënuar nga të njëjtit njerëz. Do ishte fundi i botës nëse Altin Dumani do të ishte pjesë e lojës për zhdukjen time. Jam hetuar 7 vite i lirë. Jam partizan që të gjithë të hetohen të lirë, si Veliaj dhe Beci”, tha Ahmetaj.
Discussion about this post