Presidenti i Republikës, Bajram Begaj këmbëngul në lidhje me nevojën që vendet e rajonit anëtare në NATO, duhet të flasin me një zë, për moslejimin që provokime të ndryshme të destabilizojnë Kosovën dhe të gjithë rajonin.
Këto biseda i zhvilloi në një seri takimesh me krerët e shteteve të rajonit, në kuadër të pjesëmarrjes në Forumin e Prespës për Dialog, ku u takua ndër të tjera me Presidentin e Maqedonisë së Veriut, Stevo Pendarovski, Presidentin e Kroacisë, Zoran Milanoviç, si dhe Presidentin e Malit të Zi, Jakov Milatoviç.
Pjesë e diskutimeve me presidentët ishin dhe efektet që ka prodhuar lufta në Ukrainë për rajonin në tërësi, si dhe çështje me interes dypalësh.
Discussion about this post