Në Baku, ku ndodhet për një vizitë pune, Presidenti i Republikës Bajram Begaj zhvilloi një takim me Guy Ryder, zv. Sekretar i Përgjithshëm i Organizatës së Kombeve të Bashkuara.
Begaj ka ndarë detaje nga ky takim duke nënvizuar se diskutuan për arritjen e objektivave të zhvillimit të qëndrueshëm si edhe çështjet që lidhen me sigurinë.
“Takim konstruktiv me Guy Ryder, Zv. Sekretar i Përgjithshëm i OKB-së. Diskutuam për punën që Shqipëria po bën për arritjen e Objektivave të Zhvillimit të Qëndrueshëm (OZhQ), për respektimin e të drejtave të njeriut, si dhe për çështje që lidhen me sigurinë dhe paqen në rajon e më gjerë. Gjithashtu, e sigurova që Shqipëria e mbështet plotësisht organizimin e Samitit për të Ardhmen, si një iniciativë që ofron mundësi për arritjen e Objektivave të Zhvillimit të Qëndrueshëm”, shkruan në Facebook Presidenti.
Discussion about this post