Begaj takon presidenten e Moldavisë, i kërkon njohjen e Kosovës

Presidenti i Shqipërisë, Bajram Begaj ka zhvilluar një takim me presidenten e Moldavisë, Maia Sandu.

Në këtë takim Begaj ka kërkuar nga homologia e tij Sandu që Moldavia ta njohë pavarësinë e Kosovës.

Begaj gjithashtu i ka kërkuar mbështetje për anëtarësimet e Kosovës në organizatat ndërkombëtare.

Ai gjithashtu ka shprehur mirënjohjen për kontributet e Moldavisë në KFOR.

“Gjatë takimit tim me Presidenten Maia Sandu, rikonfirmova mbështetjen e Shqipërisë për rrugën e Bashkimit Evropian të Moldavisë. U bëra thirrje për rishikim të njohjes së Kosovës dhe për mbështetje për anëtarësimet e saj ndërkombëtare. Jam mirënjohës për kontributet e Moldavisë në KFOR”, ka shkruar Begaj.

Çështjen e Kosovës Presidenti Begaj e trajtoi edhe gjatë takimit me homologun afrikan të Kenias, William Ruto, të cilit i përsëriti kërkesën për njohjen zyrtare, duke theksuar se një lëvizje e tillë i shërben zgjerimit të frymës së paqes dhe sigurisë.

During my meeting with President @sandumaiamd, I reaffirmed Albania’s support for Moldova’s EU path.

I urged reconsideration for Kosova’s recognition and support for its international memberships.

Grateful for Moldova’s contributions to KFOR.

🇦🇱🇲🇩 pic.twitter.com/amosAJPbWK

— Bajram Begaj (@BajramBegajAL) June 16, 2024