Ish-zv/kryeministri, Erion Braçe është shprehur i indinjuar për vendimin e Autoritetit të Konkurrencës, e cila edhe sepse gjeti një sërë shkeljesh nga kompanitë e miellit iu fali atyre gjobat. Përmes një postimi në rrjetin social Facebook , Braçe shkruan se është shumë shqetësuese për familjet e varfra shqiptare rritja e çmimit të bukës, ndërsa bëri thirrje për gjobë ndaj këtyre 4 ndërmarrjeve private.
Sipas tij, vendosja e gjobës për kompanitë duhej të ishte bërë në mënyrë të padiskutueshme dhe ky veprim i AK tregon që është kundër qytetarëve dhe mbështet kompanitë, të cilat abuzojnë.
“I shokuar nga vendimi i komisionit te konkurrencës lidhur me sjelljen e katër kompanive që zotërojnë tregun e grurit, miellit për bukë etj. bëhet fjale për miellin për #bukë,bukën vetë!
Një vit parë, Komisioni i Konkurrencës ka lënë rekomandime me vendim për to. Por , sërish ka evidentuar moszbatim te rekomandimeve! Në këtë pike, ka vetëm një veprim, automatik e të pakundërshtueshëm:
Zgjedhja e tre anëtarëve të Komisionit te Konkurrencës për të ndaluar aplikimin e ligjit qe legjitimon gjobën, është shqetësuese! shumë shqetësuese! E dini pse? Sepse legjitimon sjelljen e këtyre katër ndërmarrjeve, nga hetimi jo konkurruese, e me dem mbi çmimet e miellit, miellit për bukë dhe vete çmimin e bukës, në rritje e me kosto mbi shtresën më të varfër në vend”, shkruan ai.
Kujtojmë se, me 3 vota pro dhe 2 kundër, Autoriteti i Konkurrencës ka votuar kundër gjobitjes së kompanive që rritën çmimin e miellit në vendin tonë. Rritja e çmimit të bukës ka sjellë shqetësim të madh tek qytetarët, ndërsa pronarët e furrave të bukës theksojnë se ky vendim vjen pasi kompanitë e miellit kanë rritur çmimin.
E.H/ gijotina.com/
