Biznesmeni dhe politikani nga Kosova, Behgjet Pacolli ka zbuluar disa detaje lidhur me bashkëjetesën dhe ndarjen e tij me këngëtaren italiane, me origjinë shqiptare, Ana Oxa.
Në një rrëfim që ka dhënë në emisionin “Mirëmbrëma yje”, Pacolli zbuloi detaje nga bashkëjetesa e tyre dhe arsyen e ndarjes. Këtë të fundit ia “faturoi” dy familjeve të çiftit.
Por gjithsesi edhe sot, tregon se këngëtarja Oxa ishte ishte dashuria më e madhe në jetën e tij. Lidhja e tyre nisi në vitin 1999 dhe përfundoi në 2002-in, por nga dashuria e tyre nuk erdhi në jetë asnjë fëmijë. Edhe ky, sipas tij, një shkak për ndarjen e tyre.
“Çdokush normal e kishte tejkaluar atë krizë. Unë jam njohur me Ana Oxën dhe kam konsiderata shumë të mëdha për personalitetin e saj. “Po” e prerë, kryefortë, por shumë humane. E sjellshme dhe e thjeshtë. Sa kemi qenë bashkë, asnjë grua nuk është futur në kuzhinën tonë. Ajo më ka pas pyetur njëherë për të pasur një fëmijë. Kemi shkuar kudo për këtë gjë. Deri në Amerikën e Jugut. Unë kam ardhur shpesh në Kosovë, nuk dua t’ja lëj motrave as nënave tona. I thoshin ‘çfarë grua je, nuk ia bën një fëmijë vëllait’. Kjo qasje në këtë drejtim, presioni për një fëmijë ka qenë shumë… Kjo ishte një! Kjo tregon një me kohë një frustrim,është mendimi im, nuk ma ka thënë ajo por e mendoj unë. Nis edhe lexon disa libra të këtyre sekteve indiane. I lexon dhe e sheh se po i grumbulloheshin ato libra. Njëherë unë shkoj, më thotë kur të vish nuk jam në shtëpi, se jam në një takim. Ishte në një meditim.
Ajo më ka penguar. Ka ardhur në shtëpi dhe kjo ka qenë hera e parë që kemi ngritur zërin. Edhe motrat e saj filluan që të ndërhynin. Ndërhyrja erdhi si rezultat i asaj që bisedonin në mungesën time. I them në një moment, shikoni punët e tuaja, nëse jo, dera është e hapur. Kur e kam thënë këtë nuk e kanë kapërdirë dot. Mu kundërvunë me zë të lartë. Aty Ana ka mbetur mes familjes dhe meje. U rebelova dhe unë i thashë që kjo jetë kështu nuk më intereson. Edhe shkova në Itali, rezervova një kështjellë për meditim. Në atë moment thonë që menduan se ika nga shtëpia. Ana ishte ajo që nuk mendoi pak, por mendoi se më la, iku! Ne e kishim dhe një shtëpi tjetër në Monza.
Ajo nga Lugano, shkon në Monza. Dikush prej motrave e lëshon fjalën se mori fund aventura. Dhe nisin mediat të shkruajnë. Nisën gazetarët që të telefononin. Motra vetë më tha ‘ti nuk ke pse telefonon më?’, i them ‘epo Zoti qoftë me ju’. Ajo asnjë gjë nuk ka pretenduar nga pasuria ime. Vetëm unë prej asaj, e kam bërë gjestin tim. Dhe kurrë nuk ia kam dëgjuar zërin se ka thënë kështu, apo ashtu. Kur kemi shkuar tek gjykatësi, kemi dalë për një kafe dhe na kanë dalë lotët. Ajo vjen dhe e merr një shtëpi afër nesh, edhe sot aty jeton në Zvicër. Jam takuar shumë shpesh me të. Rrinë e dalin së bashku dhe kjo është historia me Anën. Ka tentuar që të ketë disa lidhje, por nuk është martuar më. Ato vite që kam qenë më të, kam pasur një jetë shumë të bukur me të. Kam qenë i mbushur. Më duhej një partner intensiv që më përbush në jetë. Ka qenë interesante edhe të vuaja pak për këtë. Kur është vuajtja për një kauzë shpirtërore, është një vuajtje e mirë. Ajo ka qenë dashuria e jetës. Më e madhja, më e këndshmja. Nuk ia heq asnjë pikë!,”-tregoi Pacolli.
Discussion about this post