Sot u mbajt mbledhja e parë e këshillit bashkiak Kukës pas skandalit që përfshiu ish kryetarin e Bashkisë Kukës Safet Gjicin.
Kryetari i Këshillit të Bashkisë Albert Muja në fjalën e tij kërkoi ndjesë dhe tha që duhet të vijojmë punën edhe pse kjo tashmë i përket së kaluarës.
“Ngjarja është shumë e rëndë. Kjo që ndodhi është një kujtesë publike se ne jemi zgjedhur prej komunitetit të Kukësit për t’i shërbyer interesave të tyre. Me aktin e dorëheqjes sot politikës këtu në Kukës i ka ngelur pak për të thënë. Një ngjarje që Kukësi dhe kuksianët nuk e meritonin. Ka nisur një proces nga drejtësia dhe le të thotë ajo fjalën e saj” deklaroi Muja.
Fasli Gërmizi, i vetmi këshilltar që kundërshtoi fjalën e kryetarit të këshillit, dënoi krimin e turpshëm të Safet Gjicit dhe kërkoj që të gjithë këshilltarët përfshirë edhe drejtuesit aktual të bashkisë Kukës duhet të japin dorëheqje.
Gjatë mbledhjes së këshillit u prezantua Granit Gjana të ushtrimit të funksionit të kryetarit të Bashkisë Kukës.
Ndërkohë në mbledhje ishte edhe deputeti i PS Pandeli Majko, ky i fundit ishte drejtues politik i fushatës elektorale të Safet Gjicit në zgjedhjet e 14-Majit.
Discussion about this post