Roland Bejko, kandidati i PD-së së Enkelejd Alibeajt, duket se fushatën po e përqendron kundër Sali Berishës.
Po ashtu si Alibeaj, Bejko i drejton gishtin ish-kryeministrit Berisha për përçarjen e PD-së.
Gjatë një takimi në zonën e Ali Demit, Bejko thotë se Berisha e ndau PD-në për arsye personale.
“E shikoj si një mision se nuk përfaqësoj vetëm interesat e mia personale apo të karrierës. Unë përfaqësoj këtu, jam i bindur, të gjithë demokratët që rezistuan këtu një vit e gjysmë të një sherri të madh që i është futur PD-së për arsyet personale të një njeriu që ne në fakt kush është demokrat i vjetër duhet ta kuptojë që i kemi bërë të gjitha për të. U bë kryeministër, u bë President, u bë kryetar partie, u bë prapë kryeministër. Pra ka mbaruar historia për dikë dhe duhet të fillojë historia për dikë tjetër.
Kur futesh aty ku nuk të takon ti konsumon kohën e të tjerëve dhe pengon një gjeneratë të re që të marrë fatet e vendit dhe t’i çojë ato përpara.
E keqja më e madhe është ajo që rezulton se ai që ka hapur sherrin brenda PD-së dhe e ndau PD-në në shumë pjesë dhe rrezikuan demokracinë shqiptare na dëshmohet si një ortakëri me politikën e vjetër”, tha Bejko.
Discussion about this post